ಟಾರ್ಗೆಟ್ ಮೆಚ್ಯುರಿಟಿ ಫಂಡ್ನಲ್ಲಿ ಹೂಡಿಕೆ ಮಾಡುವ ಅನುಕೂಲಗಳು ಯಾವುವು?

ಹಲವು ವರ್ಷಗಳಿಂದಲೂ, ಹೂಡಿಕೆದಾರರು ಸ್ಥಿರ ಠೇವಣಿಗಲು, ಪಿಪಿಎಫ್ಗಳು ಮತ್ತು ಅಂಚೆ ಕಚೇರಿ ಉಳಿತಾಯ ಸ್ಕೀಮ್ಗಳಂತಹ ಸಾಂಪ್ರದಾಯಿಕ ಉಳಿತಾಯ ಉತ್ಪನ್ನಗಳನ್ನು ಬಿಟ್ಟು ಉತ್ತಮ ತೆರಿಗೆ ದಕ್ಷ ರಿಟರ್ನ್ಗಳನ್ನು ಹುಡುಕಿ ಡೆಟ್ ಫಂಡ್ಗಳ ಕಡೆಗೆ ಹೋಗುತ್ತಿದ್ದಾರೆ. ಆದರೆ, ಬದಲಾವಣೆ ಮಾಡುವ ವೇಳೆ ರಿಟರ್ನ್ಗಳ ಅನಿಶ್ಚಿತತೆ ಮತ್ತು ಅಸಲು ನಷ್ಟದ ಅಪಾಯವು ಹೆಚ್ಚು ಪ್ರಮುಖವಾಗುತ್ತದೆ. ಟಾರ್ಗೆಟ್ ಮೆಚ್ಯುರಿಟಿ ಫಂಡ್ಗಳು (ಟಿಎಂಎಫ್ಗಳು) ಪ್ಯಾಸಿವ್ ಡೆಟ್ ಫಂಡ್ಗಳಾಗಿದ್ದು, ಎಫ್ಎಂಪಿಗಳು ಸೇರಿದಂತೆ ಇತರ ಡೆಟ್ ಫಂಡ್ಗಳಿಗಿಂತ ಹಲವು ಅನುಕೂಲಗಳನ್ನು ನೀಡುತ್ತವೆ.

ಟಾರ್ಗೆಟ್ ಮೆಚ್ಯುರಿಟಿ ಫಂಡ್ನ ಅನುಕೂಲಗಳನ್ನು ತಿಳಿದುಕೊಳ್ಳುವುದಕ್ಕೂ ಮೊದಲು, ಈ ವಿಭಾಗದ ಡೆಟ್ ಫಂಡ್ಗಳ ವೈಶಿಷ್ಟ್ಯಗಳು ಯಾವುವು ಎಂದು ನಾವು ನೋಡೋಣ. ಟಾರ್ಗೆಟ್ ಮೆಚ್ಯುರಿಟಿ ಫಂಡ್ಗಳು ನಿಗದಿತ ಮೆಚ್ಯುರಿಟಿ ದಿನಾಂಕವನ್ನು ಹೊಂದಿರುತ್ತವೆ ಮತ್ತು ಅದರ ಪೋರ್ಟ್ಫೋಲಿಯೋದಲ್ಲಿನ ಬಾಂಡ್ಗಳ ಅವಧಿ ಮೀರುವ ದಿನಾಂಕವು ಅದರ ಮೆಚ್ಯುರಿಟಿ ದಿನಾಂಕದೊಂದಿಗೆ ಹೊಂದಿಕೊಂಡಿದೆ. ಹೀಗಾಗಿ, ಫಂಡ್ನ ಮೆಚ್ಯುರಿಟಿಯ ಅವಧಿ ಅಥವಾ ಸಮಯವು ಸಮಯ ಕಳೆದಂತೆ ಕಡಿಮೆಯಾಗುತ್ತಿರುತ್ತದೆ. ಹಾಗೆಯೇ, ಪೋರ್ಟ್ಫೋಲಿಯೋದಲ್ಲಿನ ಎಲ್ಲ ಬಾಂಡ್ಗಳನ್ನು ಮೆಚ್ಯುರಿಟಿಯವರೆಗೆ ಇಟ್ಟುಕೊಳ್ಳಲಾಗುತ್ತದೆ.

ಟಿಎಂಎಫ್ಗಳ ಪ್ರಥಮ ಮತ್ತು ಅತ್ಯಂತ ಭರವಸೆದಾಯಕ ಅನುಕೂಲವೆಂದರೆ ಬಡ್ಡಿ ದರ ಶುಲ್ಕಗಳಿಗೆ ಸಂಬಂಧಿತ ಅಪಾಯ ಪ್ರತಿರೋಧಕವಾಗಿದೆ. ಪೋರ್ಟ್ಫೋಲಿಯೋ ಅನ್ನು ಮೆಚ್ಯುರಿಟಿಯವರೆಗೆ ಇಟ್ಟುಕೊಳ್ಳುವುದು ಮತ್ತು ಇಳಿಕೆಯಾಗುವ ಅವಧಿಯಿಂದಾಗಿ, ಬಡ್ಡಿ ದರ ಬದಲಾವಣೆಗೆ ಕಡಿಮೆ ಸಂವೇದನಾಶೀಲವಾಗಿರುತ್ತದೆ. ಎರಡನೆಯದಾಗಿ, ಬಾಂಡ್ಗಳ ಪೋರ್ಟ್ಫೋಲಿಯೋವನ್ನು ಮೆಚ್ಯುರಿಟಿಯವರೆಗೆ ಇಟ್ಟುಕೊಳ್ಳುವುದರಿಂದ ಉಳಿದ ಡೆಟ್ ಫಂಡ್ಗಳಿಗಿಂತ ಉತ್ತಮ ಗೋಚರತೆಯನ್ನು ಟಿಎಂಎಫ್ಗಳು ಹೊಂದಿರುತ್ತವೆ. ಯಾವುದೇ ಸಮಯದಲ್ಲಿ ಮೆಚ್ಯುರಿಟಿಯಲ್ಲಿ ಫಂಡ್ನ ಲಾಭವು (ವೈಟಿಎಂ) ಲಾಭದ ನಿರೀಕ್ಷೆಗೆ ಅನುಗುಣವಾಗಿರುತ್ತದೆ. ಮೂರನೆಯದಾಗಿ, ಇದು ಪ್ಯಾಸಿವ್ ಆಗಿರುವುದರಿಂದ, ಬಾಂಡ್ ಇಂಡೆಕ್ಸ್ನ ಸಂಯೋಜನೆಯನ್ನು ಆಧರಿಸಿ ಟಾರ್ಗೆಟ್ ಮೆಚ್ಯುರಿಟಿ ಬಾಂಡ್ ಫಂಡ್ಗಳು ಇರುತ್ತವೆ. ಈ ಫಂಡ್ಗಳ ಪೋರ್ಟ್ಫೋಲಿಯೋ ಹೆಚ್ಚಿನ ಪ್ರಮಾಣದಲ್ಲಿ ಸರ್ಕಾರಿ ಸೆಕ್ಯುರಿಟಿಗಳಲ್ಲಿ ಹೂಡಿಕೆ ಮಾಡಿರುತ್ತವೆ. ಏಕೆಂದರೆ, ಭಾರತದಲ್ಲಿ ಸೂಚ್ಯಂಕದಲ್ಲಿನ ಅತಿ ಹೆಚ್ಚು ಬಾಂಡ್ಗಳು ಸರ್ಕಾರಿ ಸೆಕ್ಯುರಿಟಿಗಳದ್ದಾಗಿರುತ್ತದೆ. ಪ್ರಸ್ತುತ ಟಾರ್ಗೆಟ್ ಮೆಚ್ಯುರಿಟಿ ಫಂಡ್ಗಳನ್ನು ಸರ್ಕಾರಿ ಬಾಂಡ್ಗಳು, ಪಿಎಸ್ಯು ಬಾಂಡ್ಗಳು ಮತ್ತು ರಾಜ್ಯ ಅಭಿವೃದ್ಧಿ ಸಾಲಗಳಲ್ಲಿ ಹೂಡಿಕೆ ಮಾಡಲು ನಿರ್ದೇಶಿಸಲಾಗಿದೆ. ಇದರಿಂದಾಗಿ ಇತರ ಡೆಟ್ ಫಂಡ್ಗಳಿಗೆ ಹೋಲಿಸಿದರೆ ಟಿಎಂಎಫ್ಗಳ ಡೀಫಾಲ್ಟ್ ಮತ್ತು ಕ್ರೆಡಿಟ್ ರಿಸ್ಕ್ ಕಡಿಮೆಯಾಗುತ್ತದೆ.

ಟಾರ್ಗೆಟ್ ಮೆಚ್ಯುರಿಟಿ ಫಂಡ್ಗಳು ಓಪನ್ ಎಂಡೆಡ್ ಆಗಿದ್ದು, ಇಂಡೆಕ್ಸ್ ಫಂಡ್ಗಳು ಅಥವಾ ಇಟಿಎಫ್ಗಳಾಗಿ ಲಭ್ಯವಿರುವುದರಿಂದ, ಪದೇ ಪದೇ ಟ್ರೇಡ್ ಮಾಡಲ್ಪಡದ ಎಫ್ಎಂಪಿಗಳಿಗೆ ಹೋಲಿಸಿದರೆ ಅವು ಹೆಚ್ಚು  ಲಿಕ್ವಿಡಿಟಿಯನ್ನು ಹೊಂದಿರುತ್ತವೆ. ಹಾಗೆಯೇ, ಮೆಚ್ಯುರಿಟಿ ಪ್ರೊಫೈಲ್ ವಿಚಾರದಲ್ಲಿ ಇವು ಹೆಚ್ಚು ನಮ್ಯತೆಯನ್ನು (ಫ್ಲೆಕ್ಸಿಬಿಲಿಟಿ) ಒದಗಿಸುತ್ತವೆ. ಇದರಿಂದಾಗಿ, ಹೂಡಿಕೆದಾರರು ತಮ್ಮ ಹೂಡಿಕೆ ವಿಧಾನಕ್ಕೆ ಮೆಚ್ಯುರಿಟಿ ದಿನಾಂಕವು ಸರಿಯಾಗಿ ಹೊಂದುವ ಫಂಡ್ ಅನ್ನು ಆಯ್ಕೆ ಮಾಡಿಕೊಳ್ಳಬಹುದು. ಸ್ವಲ್ಪ ಕಾಲದವರೆಗೆ ಹೂಡಿಕೆ ಮಾಡಿರಲು ಬಯಸುವ ಮತ್ತು ಸ್ಥಿರ ರಿಟರ್ನ್ ಅನ್ನು ನಿರೀಕ್ಷಿಸುವ ಹೂಡಿಕೆದಾರರು ತಮ್ಮ ಮೂಲ ಡೆಟ್ ಫಂಡ್ ಹೂಡಿಕೆ ಪೋರ್ಟ್ಫೋಲಿಯೋದಲ್ಲಿ ಟಾರ್ಗೆಟ್ ಮೆಚ್ಯುರಿಟಿ ಡೆಟ್ ಇಂಡೆಕ್ಸ್ ಫಂಡ್ ಅಥವಾ ಟಾರ್ಗೆಟ್ ಮೆಚ್ಯುರಿಟಿ ಇಟಿಎಫ್ಗಳನ್ನು ಸೇರಿಸುವುದನ್ನು ಪರಿಗಣಿಸಬೇಕು.