ಪ್ರತಿ ಓಪನ್ ಎಂಡೆಡ್‌ ಸ್ಕೀಮ್ ಲಿಕ್ವಿಡಿಟಿಯನ್ನು ಒದಗಿಸುತ್ತಿದ್ದು, ಸಂಪೂರ್ಣ ಸ್ವಾತಂತ್ರ್ಯವನ್ನೂ ನೀಡುತ್ತದೆ. ಅಂದರೆ ರಿಡೆಂಪ್ಷನ್‌ನ ಸಮಯ ಅಥವಾ ಮೊತ್ತದ ಮೇಲೆ ಯಾವುದೇ ನಿರ್ಬಂಧ ವಿಧಿಸುವುದಿಲ್ಲ. ಆದಾಗ್ಯೂ, ಕೆಲವೇ ಸ್ಕೀಮ್‌ಗಳು ಎಕ್ಸಿಟ್ ಲೋಡ್ ಅನ್ನು ವಿಧಿಸಬಹುದು.
ಉದಾಹರಣೆಗೆ, 1 ವರ್ಷದೊಳಗೆ ರಿಡೀಮ್ ಮಾಡಿದರೆ 1% ಎಕ್ಸಿಟ್ ಲೋಡ್ ಅನ್ನು ಕೆಲವು ಸ್ಕೀಮ್ ನಿರ್ದಿಷ್ಟಪಡಿಸುತ್ತವೆ. ಅಂದರೆ, 2016 ಏಪ್ರಿಲ್‌ 1 ಕ್ಕೆ ಒಬ್ಬ ಹೂಡಿಕೆದಾರ ಹೂಡಿಕೆ ಮಾಡಿದರೆ 2017 ಮಾರ್ಚ್‌ 31 ರೊಳಗೆ ಮಾಡುವ ಯಾವುದೇ ರಿಡೆಂಪ್ಷನ್‌ಗೆ ಎನ್‌ಎವಿ ಮೇಲೆ ಶೇ. 1 ರಷ್ಟು ದಂಡ ವಿಧಿಸಲಾಗುತ್ತದೆ. 2017 ಫೆಬ್ರವರಿ 1 ರಂದು ಹೂಡಿಕೆದಾರರು ಎನ್‌ಎವಿ ರೂ.200 ರಲ್ಲಿ ರಿಡೀಮ್ ಮಾಡಿದರೆ, ಆಗ ರೂ. 2 ಕಡಿತಗೊಳಿಸಲಾಗುತ್ತದೆ ಮತ್ತು ಹೂಡಿಕೆದಾರರಿಗೆ ಪ್ರತಿ ಯೂನಿಟ್‌ಗೆ ರೂ. 198 ಅನ್ನು ನೀಡಲಾಗುತ್ತದೆ.
ಎಕ್ಸಿಟ್ ಲೋಡ್ ಕುರಿತ ಎಲ್ಲ ಮಾಹಿತಿಯನ್ನೂ ಸ್ಕೀಮ್ ಸಂಬಂಧಿ ದಾಖಲೆಗಳಲ್ಲಿ ನಮೂದಿಸಲಾಗಿರುತ್ತದೆ. ಉದಾಹರಣೆಗೆ, ಫಂಡ್ ಫ್ಯಾಕ್ಟ್‌ ಶೀಟ್‌ ಅಥವಾ ಪ್ರಮುಖ ಮಾಹಿತಿ ಮೆಮೊರಾಂಡಮ್‌ ಇಂತಹ ಮಾಹಿತಿಯನ್ನು ಒಳಗೊಂಡಿರಬಹುದು.
