మ్యూచువల్ ఫండ్ (MF) పెట్టుబడుల గురించిన ఆర్టికల్స్‌లో దీర్ఘకాల లక్ష్యాలను నెరవేర్చుకోవడం గురించి ప్రధానంగా చెప్పబడింది. కాబట్టి, సహజంగానే స్వల్ప కాల లక్ష్యాలను నెరవేర్చుకునేందుకు మ్యూచువల్ ఫండ్స్ సహాయపడకపోవచ్చునని మదుపుదారులు భావిస్తారు.
రమేశ్ ఉదాహరణతో ఈ అపోహను తొలగిద్దాం.
ఇటీవల, రమేశ్ పనిచేస్తున్న కంపెనీ విజయాలను చవిచూసింది, దాంతో తమ ఉద్యోగులకు బోనస్ అందించింది. ఈ బోనస్ తో రమేష్ యూరోప్‌కు వెళ్ళాలి అనుకున్నాడు.
అయితే రమేష్ ఒక పెద్ద, ప్రతిష్ఠాత్మకమైన ప్రాజెక్ట్ లో పని చేస్తున్నాడు. ఆ ప్రాజెక్ట్ పూర్తి కావడానికి 8 నెలలు పట్టవచ్చు ఈ ప్రాజెక్ట్ పూర్తయిన తర్వాత మాత్రమే అతను యూరప్‌కు వెళ్లగలడు, కాబట్టి అతని ప్రయాణ తేదీలు అనిశ్చితం.
కాబట్టి అటువంటి పరిస్థితిలో ఉత్తమమైనటువంటి లిక్విడ్ ఫండ్స్ ఎంచుకోవాలని రమేశ్ నిశ్చయించుకున్నాడు. వీటిలో పెట్టుబడి కాలవ్యవధి తక్కువగాను, అనిశ్చితంగాను ఉంటుంది. ఏ పని దినంలోనైనా రీడీమ్ చేసుకునేందుకు కూడా ఇవి వీలు కల్పిస్తాయి. విత్ డ్రావల్ అభ్యర్థనను సమర్పించిన తర్వాతి పని దినాన అతని ఖాతాలోకి నగదు క్రెడిట్ అవుతుంది. తద్వారా, అధిక లిక్విడిటీ పొందగలుగుతాడు. కొన్ని ఫండ్ హౌస్‌లు కూడా, ఒక ఎస్ఎంఎస్ లేదా యాప్ ద్వారా అభ్యర్ధనను సమర్పించేందుకు అనుమతిస్తాయి.
ఈ విధంగా, అతను ప్రయాణానికి సిద్ధపడేంతవరకు అతని నగదును అతను పెంచుకోగలుగుతాడు. ఉండడానికి వసతి మరియు ఫ్లైట్ బుకింగ్ కొరకు సిద్ధంగా ఉన్నప్పుడు కొన్ని ఫండ్ లను అతను రీడీమ్ చేసుకోగలడు. మిగిలిన ఫండ్ లను విదేశీ నగదును కొనేందుకు, ప్రయాణ సమయంలో రోజువారీ ఖర్చులకు అతను ఉపయోగించుకోవచ్చు.
లిక్విడ్ ఫ్రెండ్స్‌తో స్వల్పకాలిక లక్ష్యాల కోసం ప్లాన్ చేసుకోవడం సౌకర్యవంతంగా ఉంటుంది.
